பலிக்கடாவாகிய சூர்யா..........

கிட்டத்தட்ட ஒரு வருடத்துக்கு முதலெல்லாம் தமிழ் சினிமாவில் தயாரிப்பாளர், விநியோகிஸ்தர்களை நஸ்டப்படுத்தாத நடிகர்கள் யாரெண்டு பார்த்தா ரஜினிக்கு அப்புறம் எல்லா சினிமா விற்பன்னர்களும் முணுமுணுப்பது சூர்யாதான்... சூர்யாவிடம் கால்சீட் பெற்றுவிட்டால் கோடிகளில் இலாபத்தில் புரளலாம் என்பது அவர்களின் எதிர்பாப்பு.. உண்மையும்கூட... தொட்டதெல்லாம் பொன் என்று உச்சத்துக்கு சென்ற சூர்யாவுக்கு யார் கண் பட்டுதோ தெரியேல இறுதி இரு படங்களுமே பெருத்த ஏமாற்றம்.. ஏழாம் அறிவு, மாற்றான் இரண்டுமே சரிவர போகவில்லை.. அதற்கு முதல் 2005 முதல் 2010 வரை அவர் ஹீரோவாக நடித்த படங்களில் "மாயாவி" தவிர எதுவுமே தோல்விப்படமல்ல.. அதற்குள் "ஆறு", "ஆதவன்" சராசரியாக ஓடியது, மிகுதி எல்லாமே கிளீன் ஹிட்... இவ்வாறு உச்சத்துக்கு போன சூர்யாவின் அண்மைய சறுக்கலுக்கு என்ன காரணம்? இதுதான் தற்போதைய கேள்வி.... 

இதற்கு நிறைய காரணங்கள் இருப்பினும்.. பிரதான காரணம் ஒன்றை அலசுவது சாலச்சிறந்தது.. பொதுவாக ஒரு ஹீரோக்கு மாஸ் படங்கள் ஹிட் குடுத்து மாஸ் ஹீரோ ஆகிவிட்டாலே அதற்குப்பிறகு அவர்களிடம் தரமான படங்களை காணுவது அபூர்வம்.. ஐந்து பாட்டு, ஐந்து பைட், பஞ்ச டயலாக் எண்டு ரசிகர்களை சாவடிக்காத குறையாக கதைகளை தேர்வுசெய்து படம் நடிப்பார்கள்.. அதேபோல சூர்யாவும் அயன்,ஆதவன்,சிங்கம் ஆகிய படங்களுக்கு பிறகு அந்த வழியில்தான் செல்வார் என்று எதிர்பார்க்கப்பட்டது.. ஆனால், அதுக்கு அவர் அளித்த பேட்டியில் தனக்கு அவ்வகையிலான படங்களில் ஆர்வம் இல்லையெனவும்.. வித்தியாசமான கதைக்களங்கள்தான் பிடிக்கும் என்று கூறியிருந்தார். அதட்கேற்றால்போலவே அவரின் அடுத்தடுத்த படங்களான ஏழாம் அறிவு, மாற்றான் கதைத்தேர்வும் இருந்தது....  அது மட்டுமல்ல முன்னணி இயக்குனர்களான முருகதாஸ் மற்றும் கே.வி ஆனந்தின் படங்கள்... இங்கைதான் சூர்யா மிகப்பெரிய தவறை விட்டிருந்தார்.. 

எல்லா இயக்குனர்களிடையேயும் ஒரு பொதுவான குணாதிசியம் இருக்கின்றது என்னவெனில்.. அவர்களின் படங்களின் பாணி ஒரேமாதிரியிருக்கும்.. உதாரணமாக பாரதிராயாவின் படமெண்டால் கிராமத்து மண்வாசனை அள்ளிவீசும்,.. ரவிக்குமார், விக்ரமன் படங்கள் என்றால் குடும்ப கதைகளை சித்தரிப்பவையாக இருக்கும், ஹரி படங்கள் முழுக்க முழுக்க ஆக்சன் படங்களாக இருக்கும்...... இதற்கு மாறுதலாக அவர்கள் பொதுவாக படங்கள் எடுப்பதில்லை, அவ்வாறு எடுப்பினும் சரிவராமலே போயின.. இதற்கு நல்ல உதாரணம் சரணின் அசல், பிரபுதேவாவின் வில்லு எண்டு ஒரு பட்டியலை சொல்லிக்கிட்டே போகலாம்... அதேபோலவே முருகதாசுக்கும் ஒரு ரெண்ட் உள்ளது, கே.வி.ஆனந்துக்கும் ஒரு ரெண்ட் உள்ளது.. ஆனால் இவர்கள் கடைசியா எடுத்த படத்தை பார்த்தா இவர்களின் முந்தைய படங்களின் ரெண்டிலிருந்து முற்றிலும் விலகியிருப்பதை நீங்க அறியலாம்... தீனா, கஜினி, ரமணா போன்ற படங்களை எடுத்த முருகதாசுக்கு ஏன் சூர்யா ஏழாம் அறிவு படத்தை கொடுத்தார்? அயன், கோ மாதிரியான படங்களை இயக்கிய கே.வி.ஆனந்துக்கு ஏன் மாற்றான் படத்தை கொடுத்த்தார்? மசாலா ஹிட் குடுத்த இயக்குனர்களுக்கு வரலாற்று கதைகளையும், விஞ்ஞான ரீதியிலான படங்களை எடுக்க சொன்னால் அவங்களால என்னதான் பண்ணமுடியும்?

சூர்யா நடிக்கவெண்டு வந்திட்டா எந்தவகையிலான ரிஸ்கையும் எடுக்கவல்ல நடிகர் எண்டதை கச்சிதமாக பயன்படுத்தி முருகதாசும்,கே.வி.ஆனந்தும் ஒருக்கா புதுசா ஏதாவது செய்து பார்ப்போமேன் எண்டு சூர்யாவை பலிக்காடா வைச்சு பழகிட்டார்கள். தன்னால இந்த ரெண்ட் சரிவராதெண்டு புரிந்த முருகதாஸ் துப்பாக்கி படத்தில தண்ட பழைய ரெண்டுக்கே போய்விட்டார்.. கே.வி.ஆனந்தும் பெரும்பாலும் தண்ட பழைய பாணிக்கே மாறிடுவார்.. அப்போ சூர்யா என்ன இளிச்சவாயனா? உங்க உங்க பாணியிலே சூர்யாவுக்கும் ஒரு ஹிட் குடுத்திருக்கலாமே! ....... லஞ்சம், ஊழல் பிரச்சனைகளை மையமா வைச்சு பிரமாண்டமா படங்களை எடுத்துவந்த சங்கர் தண்ட பாணிக்கு முற்றிலும் மாறாக எந்திரன் என்ற படத்தை எடுத்து மிகப்பெரிய ஹிட் குடுத்து இந்திய அளவில நம்பர் ஒன் இடத்தை பிடித்ததுக்கு பதிலடியாக தாங்களும் சாதிச்சு காட்டுவம் எண்டுதான் முருகதாசும்,ஆனந்தும் முயட்சிசெய்திருக்கினம்போல.. ஆனா எல்லாமே புஸ்வாணம் ஆகிட்டு..... ஒருவேள ஏழாம் அறிவும், மாற்றானும் மிகப்பெரிய வெற்றி பெற்றிருந்தால் சங்கரின் இடத்தை இவர்கள் பிடித்திருக்கலாம் எண்டதை மறுக்கேலாது............. என்னவோ முருகதாஸ்,ஆனந்தின் பேராசைக்கு சூர்யா பலிக்காடாகிட்டார் எண்டது மட்டும் உண்மை...
வித்தியாசமாக கதைத்தேர்வு செய்திட்டு பெரிய இயக்குனர்களுக்கு படத்தை கொடுப்பது  மட்டும் முக்கியமல்ல... அந்தக்கதைக்கு அந்த இயக்குனர் பொருத்தமானவரா என்பதையும் தீர்மானிக்கவேணும்..

(மாற்றான் எனக்கு நல்லாவே பிடித்தது... ஆனா பொதுவான விமர்சனங்களின் அடிப்படையிலும், கலக்சனின் அடிப்படையிலுமே இப்பதிவை எழுதியுள்ளேன்....)

சகுனியும் கேவலங்களும் (இது விமர்சனம் இல்லை )

பலத்த எதிர்மறை விமர்சனங்களுக்கு மத்தியில் அண்மையில் வெளிவந்து வெற்றிநடை போடுகின்றதென்று ஒருசில மீடியாக்களால் சகுனி தூக்கிவைத்துகொண்டாடப்படும் இவ்வேளையில், சத்தமில்லாமல் இன்னுமொரு காரியத்தையும் சகுனி படக்குழுவினர் செய்துவிட்டனர்.. ஆமாங்க "சக்சஸ் மீட்டிங்" ஐ வைத்துவிட்டார்கள்.. தமிழகத்தின் புதிய பாக்ஸ் ஆபீஸ் கிங் எண்டு கார்த்தி,சூர்யா ரசிகர்களால் விளம்பரப்படுத்தப்படும் கார்த்தி, தமிழகத்தின் புதிய சக்சஸ் மீட்டிங் கிங் எண்டு எல்லா ரசிகர்களாலும் அடையாளப்படுத்தப்பட்டுவிட்டார். உண்மையை சொல்லப்போனால் கார்த்தியின் முன்னைய படங்களுடன் ஒப்பிடும்போது சகுனியின் ஒபெநிங் கலக்சனானது கிட்டத்தட்ட ஒன்றரை,இரண்டு மடங்காகியுள்ளது உண்மைதான்.. காரணம் முன்னைய படத்தைவிட அதிக விளம்பரப்படுத்தல், மற்றும் ஆயிரத்துக்கு மேற்பட்ட திரையரங்குகளில் வெளியிடப்பட்டமை.. அதிக திரையரங்குகளில் படத்தை வெளியிட்டால் படத்தின் எதிர்மறையான விமர்சனங்களால் ஏற்படும் பாதிப்பிலிருந்து ஓரளவுக்கு தப்பித்துக்கொள்ளலாம்.. எவ்வாறெனின் படம்வரமுதல் முற்பதிவு செய்வதால் ஒரு குறிப்பிட்ட வருமானம் முதல்லே கிடைக்கும். மேலும் எப்பிடியும் படம் வந்து ரெண்டாம்,மூன்றாம் நாளிலே விமர்சங்கள் அதிகப்படியா வரத்தொடங்கும், இதற்கிடையில் அதிகப்படியானோர் படத்தை பார்த்துவிடுவார்கள்.. இதன் காரணமாக சகுனியும் ஒபெநிங் கலக்சனில தப்பிச்சுக்கொண்டதெண்டே சொல்லலாம்..

சரி, நாம சக்சஸ் மீட்டிங் பக்கம் திரும்புவம்... இந்த கொடுமை எப்பதான் தமிழ் சினிமாவை விட்டு போகப்போகுதோ தெரியேல.. ரெண்டு வருடங்களுக்கு முதல் பாரத்தமண்டா ஒரு முன்னணி நடிகர் மட்டுமே இந்த விடயத்தில கில்லாடியா இருந்தார்.. அட்டர் பிளாப் படங்களுக்கெல்லாம் அவர் நடத்தின சக்சஸ் மீட்டிங்கை அவரது ரசிகர்களே இப்பவும் மனதுக்குள் நினைத்து நினைத்து சிரிப்பார்கள் என்று நினைக்கிறேன். இப்படியான சில நடவடிக்கையால்தான் குறித்த அந்த நடிகர் சமுகவலைத்தளங்களில் அவரது ரசிகர்கள் தவிர மிகுதி எல்லா ரசிகர்களாலும் மோசமாக கலைய்க்கப்பட்டு வருகின்றார்.. இப்ப என்னடா என்றா கார்த்தி தம்பியும் ஏட்டுக்கு போட்டியா சக்சஸ் மீட்டிங் வைத்துவிட்டார்.. நான் நினைக்கிறேன் சகுனிக்கு வந்த மோசமான விமர்சங்கள் படத்தின் கலக்சனுக்கு பாதிப்பை ஏற்படுத்திடும் என்ற பயத்தில ஒரு முன்னெச்சரிக்கையா இந்தவேலையை கச்சிதமா முடித்துவிட்டார்போலும்..
சக்சஸ் மீட்டிங்:பாகம் 1 (video)
சக்சஸ் மீட்டிங்:பாகம் 2 (video)

சக்சஸ் மீட்டிங் வைக்கிறது என்னைப்பொறுத்தவரையில் தப்பென்று சொல்லமாட்டேன்.. ஆனால், அதை எல்லோரும் ஏற்றுக்கொள்ளும்படியா, நம்பும்படியா வைக்கணும்.. படம் வெளிவந்து மூன்றாம்,நான்காம் வாரங்களில் படம் உண்மையிலே அதிகப்படியாக வசூலிக்கும் பட்சத்தில் வைத்தா அதை ஏற்றுக்கொள்ளலாம்.. அதைவிடுத்து முப்பது,நாற்பது கோடிகளுக்கு படத்தை விநியோகிஸ்தர்களுக்கு விற்றுவிட்டு முன்றாம், நான்காம் நாளில் சக்சஸ் மீட்டிங் வைத்தா என்னய்யா கதையிது? கிட்டத்தட்ட முப்பது முதல் நாற்பது கோடிக்கு விற்பனை செய்யப்பட்ட சகுனி திரைப்படம் கடந்த ஜூன் 22 இல் உலகெங்கும் ரிலீசாகி ஜூன் 25 அன்று(படம் ரிலீசாகி நான்காம் நாள்) காலை ஹைதராபாத்திலும், மதியம் சென்னையிலும் சக்சஸ் மீட்டிங் வைத்தார்கள்.. அப்பிடியாயின் முதல் முன்று நாளில் அதன் வசூல் ஐம்பது கோடியை தாண்டிவிட்டதா?.... இருபதுகோடிகூட தாண்டியிராது.. அதற்குள் சக்சஸ் மீட்டிங் வைத்து கொண்டாடுறாங்க... தயாரிப்பாளரும், விநியோகிஸ்தர்களும் படத்தின்ட உண்மையான வசூலை ஹீரோக்களுக்கு பயப்பிடாது எப்ப பகிரங்கமாக தெரிவிக்கிறார்களோ! அப்பத்தான் இவ்வாறான பேர்வழிகளும் திருந்துவாங்கள்....

தற்போது காலம் எங்கையோ போய்விட்டது..இதொண்டும் எம்.ஜி.ஆர்-சிவாஜி, மற்றும் ரஜினி-கமல்,அஜித்-விஜயின் ஆரம்ப காலம் இல்ல.. சக்சஸ் மீட்டிங், போஸ்டர்ல பந்தா காடுறது, ஓடாத படங்களை காசு குடுத்கு ஓடவைத்து ரசிகர்களை ஏமாற்ற.....இப்பவெல்லாம் பேஸ்புக்,டுவீட்டர் போன்ற சமுக வலைத்தளங்கள் நன்கு பிரபல்யமாகிவிட்டது.. என்னதான் வெட்டி பந்தா விட்டாலும் மக்கள் மத்தியில் எடுபடாது.. ஒவ்வொரு ரசிகனும் தத்தமது பிரதேசங்களில் ஒரு படம் எப்பிடி ஓடுகின்றதெண்டு பலபேருடன் கருத்துக்களை சமுகவலைத்தளங்களின் ஊடாக பகிருவதால் எது உண்மை எது பொய் என்ற நிலவரங்களை எல்லோராலும் பெற்றுக்கொள்ளமுடிகிறது...

சகுனி ஏன் மோசமாக விமர்சிக்கப்படுகின்றது? ஸ்பெசல் அலசல்.

பெரும் எதிர்பார்ப்புடன் வெளிவந்த சகுனி விமர்சகர்களால் மிகமோசமாக தற்போது விமர்சிக்கப்பட்டு வருகிறது.. இதுவரையில் எந்தவொரு நேர்மறையான விமர்சனத்தையும் நான் பார்க்கேல.. வழமையா நான் தியேட்டருக்கு படம் பார்க்கச்செல்லுமுன் எந்தவொரு விமர்சனமும் வாசிப்பதில்லை, படத்தை பார்த்துவிட்டுவந்து எனது பிளாக்கில் விமர்சனத்தை எழுதியபின்னரே மற்றவர்களின் விமர்சனங்களை பார்ப்பேன்.. காரணம், விமர்சனங்களை முதலே பார்த்தால் படம் பார்க்கும்போது விறுவிறுப்பு இருக்காது அத்துடன் நாங்கள் சொந்தமா விமர்சனம் எழுதும்போது அதில் மற்றவிமர்சகர்களின் வசன, சொற்பிரயோகங்கள் இயல்பாகவே எங்களிடம் ஒட்டிவிடும் என்பதற்காகவே முதல்லே விமர்சனகளை பார்ப்பதை தவிர்க்கின்றனான்..

ஆனால் இம்முறை சகுனி பார்க்கப்போகமுதலே மற்றவர்களின் விமர்சனங்களை படித்திடனும் என்று தோன்றிச்சு,காரணம் தல அஜித்துடனே போட்டியிட சகுனியை களமிறக்க முயன்றமைதான்.. ஆனால், சென்சார் பிரச்சனை,பில்லா 2 தமிழ்நாடு விநியோகிஸ்தர் ஆஸ்கர் ரவியின் "ஸ்பைடர் மான்" வெளியீடு, அப்புறமாக விநியோகிஸ்தர்களின் வேண்டுகோள் காரணமாக பில்லா 2 ஜூலை 13இற்கு பிற்போடப்பட்டுவிட்டது.. என்றாலும் அப்பிடி என்னதான் சகுனி சாதிச்சுவிடப்போகுது என்ற எதிர்பார்ப்புத்தான் முதலே விமர்சனங்களை பார்க்க தோணிச்சு, பார்த்தா எல்லாமே நெகடிவ் ஆகவே இருந்திச்சு..மிகமோசமாக விமர்சித்திருந்தார்கள். சந்தானம்-கார்த்தியின் காமெடியைத்தவிர மோசமான திரைக்கதை, தேவையில்லாத இடத்தில பாடல்கள்,சண்டைகள், அதிக இடங்களில் லாஜிக் மீறல் என்று அடுக்கடுக்கா பிளாக் மற்றும் முகப்பு புத்தகங்களில் மோசமாக விமர்சித்திருந்தார்கள்.. சரி படம் படுமொக்கையாத்தான் இருக்குது எண்ட எண்ணத்தில பார்க்கப்போனா எல்லாமே நேர்மாறாகவே எனக்கு தோணிச்சு. படுமொக்கை என்று எதிர்பார்த்துபோனதால கொஞ்சம் நல்லா இருந்ததாலையோ என்னவோ எனக்கு குடுத்த காசுக்கு ஓகே என்றே இருந்திச்சு.. லாஜிக் மீறல்கள் இருப்பது உண்மைதான், சாதாரண அப்பாவி இளைஜனா வரும் ஹீரோ சீஎம்மை பிடிக்கேல எண்டதுக்காக கந்துவட்டி ராதிகாவை சென்னை மேயராக்கியது, பலவருடங்கள எதிர்க்கட்சித்தலைவரா இருந்த கோட்டா சிறீனிவாசனை முதலமைச்சராக்கியதெல்லாம் கொஞ்சம் ஓவர்தான்.. ஆனா விமர்சனங்களில் வந்ததுபோன்று மொக்கையா படம் இருக்கவில்லை.. படம் முடியும்வரை சலிப்பில்லாமல் பார்க்கக்கூடியவாறு இருந்திச்சு...சரி ஏன் சகுனி இந்தளவுக்கு விமர்சிக்கப்படுகின்றது என்று ஒருக்கா அலசிப்பார்ப்பம்....

அடிப்படைகாரணம் படத்திலுள்ள ஓட்டைகள்தான்,அப்புறமா பார்த்தால் 

ரசிகர்கள் பெரிய ஹீரோக்கள்ட படம் என்றால் வேறு கோணத்திலும், பிரபல்யமாகாத ஹீரோக்கள்ட படம் என்றால் வேற கோணத்திலையுமே பார்க்கிறார்கள்.. என்னைப்பொறுத்தவரையில் சகுனி மொக்கைப்படமேண்டால், ஒருகல் ஒரு கண்ணாடி, கலகலப்பு இவையிரண்டுமே மொக்கைதான்.. அதில மட்டும் லாஜிக் பிழை இல்லையா?.. சகுனி பார்க்கப்போகும்போது கார்த்தியை உதயநிதி,விமல்,சிவா ரேஞ்சில பாவனை செய்தால் நிச்சயம் சகுனியும் எல்லோரையும் திருப்திப்படுத்தியிருக்கும்.. அதைவிடுத்து ரசிகர்கள் பெரியாக்கள்ட படம் என்றால், அந்த குறிப்பிட்ட நடிகரின் ரசிகர்கள் தவிர மற்றவர்கள் எல்லோரும் எங்கை பிழை பிடிக்கலாம் என்ற நோக்குடன் படத்தை பார்ப்பதால்தான் இவ்வாறான படங்கள் கடுமையா விமர்சிக்கப்படுகின்றன..

அடுத்ததாக இவர்களின்மீது உள்ள வெறுப்பும் ஒரு காரணம்...

ஏற்கனவே விஜய் ரசிகர்கள் சூர்யா-கார்த்தி மேல எரிச்சல்ல இருக்கும்போது, சகுனி படத்தால அஜித் ரசிகர்களும் கார்த்தியை வெறுக்கத்தொடங்கிவிட்டார்கள்.. காரணம் பண்டிகைக்காலம் அல்லாத நாளில் பில்லாவுடன் சகுனியை களமிறக்கியது.. ஆனால் இது எந்தளவுக்கு கார்த்தி தரப்பில் பிழை என்று சொல்லமுடியவில்லை.. இதுபற்றி விரிவாக முதலொரு பதிவில் எழுதியுள்ளேன்(இங்கே கிளிக் செய்யவும்). இதனால் அஜித்-விஜய் ரசிகர்கள் எப்பிடியாவது சகுனி பிளாப் ஆகணும் என்று சமுகவலைத்தளங்களில் சகுனிக்கெதிராக கருத்துக்களை தெரிவித்து வருகிறாகள்.. அது மட்டுமல்ல இப்பெல்லாம் சூர்யா-கார்த்தியின் படங்கள் எதிர்பார்ப்புக்கு மேலதிகமா செல்வாக்கால் நிறைய திரையரங்குகளை பெற்றுக்கொள்கிறார்கள்.. அத்தோடு தங்களது படங்களுக்கு இவர்கள் விடும் பில்டப் எல்லாம் சூர்யா-கார்த்தி ரசிகர்கள், சினிமா பற்றி ஆழமா ஆராயாது படங்களை பார்த்ததோடு சரி என்றிருக்கு ரசிகர்கள் தவிர மிகுதி எல்லோருமே இந்த அண்ணா தம்பியில லைட்டா பொறாமை கலந்த வெறுப்பை கொண்டிருக்கிறார்கள். அதால பிளாக், வெப்சைட் வைத்திருப்பவர்கள் சகுனியை வாரு வாரெண்டு வாருகிறார்கள்.(பிளாக், வெப்சைட் வைத்திருப்பவரகளுக்கு சினிமா அறிவு கொஞ்சம் ஜாஸ்திதான். அன்றாட சினிமா நிலவரங்களை அவதானிச்சுக்கொண்டிருப்பவர்களாச்சே!..அப்போ இவர்களின் கூத்து கும்மாளங்களை பார்த்து பார்த்து நொந்துபோய்ய்த்தானே இருப்பார்கள்?) 

அடுத்து சகுனியில என்னதான் கார்த்தி சகுனி ஆட்டம் ஆடினாலும் அதன் பிளசே கார்த்தி-சந்தானத்தின் ஜோக்தான். இதுவும் ஒரு மைனஸா இருக்கலாம்.. எப்பிடி என்றா அண்மையில் வெளிவந்த ஓகே ஓகே, கலகலப்பு இரண்டும் முழுநீள காமெடிப்படங்கள். நீண்ட நாட்கள் திரையரங்கில் வெற்றிகரமாக ஓடின/ஓடிக்கொண்டிருக்கும் படங்கள்.. உண்மையை சொல்லப்போனால் ரசிகர்கள் இன்னும் ஒரு வருடத்துக்கு ஜோக் படமே தேவையில்லை என்று சொல்லுமளவுக்கு திருப்திப்படுத்தின படங்கள்.. அப்பிடி இருக்கும்போது மீண்டும் ஒரு கிட்டத்தட்ட முழுநீள ஜோக்கான சகுனி திரைப்படம் ரசிகர்களுக்கு சலிப்பை ஏற்படுத்தியிருக்கலாம்.. குறிப்பாக சந்தானத்தின் தொடர்ச்சியான ஜோக் ரசிகர்கள் மத்தியில் புளிச்சுப்போனதாகவும் மாறியிருக்கலாம்.. இதும் சகுனிக்கு எதிர்மறையான விமர்சனங்களை வரக்காரணமாக இருக்கலாம்..

அதைவிட சிலபேருக்கு விசித்திரமான கோபம் சகுனிமேல.. ஏனென்டா லட்டு மாதிரி கதாநாயகியை வைத்துக்கொண்டு சரிவர பயன்படுத்தவில்லை எண்டு.. ஆமாங்க அம்மணி இடைவேளைக்கு முதல் கொஞ்ச சீனில வாரா,அப்புறமா கிளமாக்சிலதான்.. ஏன்னா ஹீரோவுடன் ஹீரோயின் சேர்ந்திட்டா எண்டதை காட்ட. (ஹீரோவுடன் ஹிரோயின் சேரேல எண்டாலே பீல் பண்ணுற ஒரு கூட்டம் இன்றும் இருக்குத்தானே!)

எது எப்பிடியோ படம் கிட்டத்தட்ட ஆயிரத்துக்கு மேற்பட்ட திரையரங்குகளில் வெளியாகியுள்ளதால் மிகப்பெரிய ஒபெநிங் கலக்சன் கிடைக்கும்.. அதற்கப்புறம் கலக்சன் நிலவரங்களை பொறுத்திருந்துதான் பார்க்கணும்... 

வருகை தந்தமைக்கு நன்றி..

பில்லா 2 Vs சகுனி மூன்றாம்கோண அலசல்

வழமையா பொங்கல்,புதுவருடம், தீபாவளி என்று பண்டிகையால, அன்றையதினம் வெளியாகும் திரைப்படங்களும் களைகட்டுவது வழக்கம்.இப்ப என்னடா என்றால் வெளியாகும் படங்களால் பண்டிகைபோல தமிழகம் களைகட்டிக்கொண்டிருக்கின்றது. ஆமா, பில்லா 2, சகுனி இந்த இரண்டினதும் வெளியீடுதான் இதற்கு காரணம்.. வழமையா பண்டிகைக்காலங்களில்தான் ஒன்றிற்கு மேற்பட்ட பெரிய நடிகர்களின் படங்கள் நேருக்குநேர் மோதும், காரணம் பண்டிகைக்காலங்களில் தொடர்ச்சியாக விடுமுறை நாட்கள் அமைதல், பண்டிகையை என்ஜாய் பண்ணுவதற்காக நிறையப்பேரு தியேட்டர் பக்கம் செல்லுதல்.. அதாவது பண்டிகைக்காலங்கள் போன்ற விசேட தினங்களில் மட்டும் தியேட்டர் வாசல் மிதிக்கும் கூட்டம் நிறையவே நிறைய இருக்கு.. அதனால பண்டிகைக்காலங்களில் ஒன்றிற்கு மேற்பட்ட பெரிய நடிகர்களின் படங்கள் நேருக்குநேர் மோதும்போது வழமையான தினங்களுக்கு மாறாக எல்லாத்தரப்புக்குமே சாதகமாக இருக்கும்.(படம் மொக்கையா இருந்தா ஒன்றும் செய்யேலாது, அது சோலோவா வந்தாலும் ஊத்தும்.).. இந்தமுறை என்னவென்றால் பண்டிகை அல்லாத நாளில் மேற்படி இரண்டு படங்களும் நேருக்குநேர் மோதுவதுதான் பிரச்சனை. தயாரிப்பாளர்கள் பட்ஜெட்டுக்கு அப்பால் குறிப்பிட்ட இலாபத்தை வைத்து விநியோகிஸ்தர்களுக்கு விற்க, விநியோகிஸ்தர்கள் தங்களுக்கு ஒருபகுதி இலாபம் வைத்து தியேட்டர் ஓனர்களுக்கு விற்றுவிடுவார்கள்.. இந்த இரண்டு தரப்பும் தப்பிச்சுவிடும்... ஒட்டுமொத்தமா மாட்டிக்கப்போவது தியேட்டர் ஒனர்கள்தான். (சில சமயம் விநியோகிஸ்தர்கள் நஷ்டப்படவும் சாத்தியம் இருக்கு, வேலாயுதம் படைத்தால ஆஸ்கர் ரவி நஷ்டப்பட்டது எல்லோருக்குமே தெரிந்த விடயம்.. பில்லா 2 உம் ஆஸ்கர்தான் வெளியிடுவதால் கவனமாய்த்தான் இருப்பார் என்று நினைக்கிறேன்.).. அதைவிட ஏட்டுக்கு போட்டியா விநியோகிஸ்தர்கள் தியேட்டர்களை புக் பண்ணுவதிலும் நிறைய ரிஸ்க் எடுக்கவேணும்..

பில்லா ஆரம்பத்தில ஏப்ரலுக்குதான் ரிலீஸ் பண்ணத்தான் திட்டமிட்டு படப்பிடிப்பை தொடங்கினார்கள், ஆனால் பெப்சியின் வேலை நிறுத்தம், எஸ்.ஏ.சி இடையில கொண்டுவந்த திட்டம் இதனால் உரிய தினத்துக்கு படப்பிடிப்பை முடிக்க இயலாமல் மே, ஜூன் என்று பல தேதிகளுக்கு பிற்போடப்பட்டன. இறுதியில் ஜூன் 22 ரிலீஸ் என்ற நிலைக்குவந்திருந்தது, படம் அப்போ சென்சருக்கு போகாததால் தயாரிப்பாளரால் உத்தியோகபூர்வமாக ரிலீஸ் திகதி அறிவிக்கப்படவில்லை.. ஆனால் தமிழகம் தவிர்ந்த வெளிநாடுகளில் ஜூன் 22 டிக்கட் அடிச்சே விற்றுவிட்டார்கள்.. இதன் மர்மம்தான் எனக்கு இன்னமும் புரியவில்லை..

சரி நாம பிரச்சினைக்கு வருவோம்..... 

ஆரம்பத்தில பில்லா 2 ஜூன் 22 ரிலீஸ்என்றிருந்தவேளை சகுனி ஜூலை 6 என்று அறிவித்தார்கள்..பிறகு என்னவாச்சோ தெரியல திடீரென சகுனியும் ஜூன் 22 ரிலீஸ்என்று அறிவித்தார்கள்..இதிலிருந்துதான் சிக்கலே ஆரம்பித்துவிட்டது.. அதாவது கார்த்தியை அஜித்துடன் மோதவிட்டதன் நோக்கம் என்ன? இதுதான் தற்போதைய சூடான அலசல்.. தமிழ் சினிமாவின் "கிங் ஆப் ஒபெநிங்" என்று வர்ணிக்கப்படும் அஜித்துடனேயே மோதுமளவுக்கு கார்த்திக்கு தைரியம் வந்திட்டா? என்பதுதான் ஆச்சரியமாயிருக்கு... வேல் Vs அழகிய தமிழ்மகன், சிறுத்தை Vs காவலன், வேலாயுதம் Vs ஏழாம் அறிவு.... இந்த மூன்று கடந்தகால நேரடிப்போட்டிகளில் விஜயை ஜெயிச்சாச்சு, அப்பிடியே அஜித்தையும் ஜெயிச்சா தற்போதைய தலைமுறையில் தாங்கதான்(சூர்யா-கார்த்தி) டாப் ஆகலாம் என்ற நோக்கமா தெரியேல... ஏனெனில் பில்லா 2 இன் பட உரிமை விற்பனையாகி ஓரிரு நாளிலே சகுனியும் விற்பனை செய்யப்பட்டுவிட்டதாகவும், அதன் உரிமை கிட்டத்தட்ட பில்லா 2ஐ நெருங்கிவிட்டதாகவும் கார்த்தி தரப்பு அறிவித்திருந்தது.. அதில காமெடி என்னவெண்டா இவ்வாறு அறிவுப்பு வெளியாகியபோது பட சூட்டிங்கே முடியேல, மீள்படப்பிடிப்பு நடந்துகொண்டிருந்தது.. அந்த சமயத்தில் எவ்வாறையா படத்தின் உரிமை விற்க சாத்தியம்?... இவ்வாறான சம்பவங்கள் வேணுமெண்டே அஜித்தை சீண்டுவதுபோல தென்படுகிறது... ஆனால், இவையாவும் ஊகத்தின் அடிப்படையிலான சந்தேகங்கள் என்பதை மறுக்கேலாது... இதன் மறுபக்கத்தையும் ஒருக்கா ஆராய்வம்....

சகுனி படம் தெலுங்கில் சுமார் பத்து கோடிக்கு விற்கப்பட்டது... ஒரு தமிழ் படமொன்றுக்கு தெலுங்கில் பத்துக்கோடி உரிமம் என்பது மிகப்பெரிய தொகைதான்... இந்தளவுக்கு தமிழ் படம் தெலுங்கில் வசூலிப்பது கொஞ்சம் கடினமான விடயம்தான்... ஆகவே, தமிழுக்கு சமாந்தரமாக தெலுங்கு நிலவரத்தை கார்த்தி தரப்பு அலசிப்பார்க்கும்போது ஜூன் கடைசியிலும், ஜூலை முதல் வாரத்திலும் தெலுங்கில் பெரிதும் எதிர்பார்ப்புக்குள்ளாகியிருக்கும் ராஜமௌலியின் "நான் ஈ" திரைப்படமும் அல்லு அர்ஜுன் நடித்த மற்றுமொரு திரைப்படமும் வெளிவர உள்ளது.. இதனால் சகுனி ஜூலை 6 இல் ரிலீசானால் தெலுங்கில் முன்னணிப்படங்களோடு அதிக தியேட்டர்களை பெற்று போட்டி போடுவது கஷ்டம்.. அதே நேரத்தில் தெலுங்கு பட விநியோகிஸ்தர்களும் சிக்கல் நிலைமைகளை கருத்திற்கொண்டு சகுனியை வேளைக்கே ரிலீஸ் பண்ணச்சொல்லி சொல்லியதாகவும், அதனால்தான் ஜூன் 22 இற்கு ரிலீஸ் திகதி மாற்றப்பட்டதாகவும் சினி வட்டாரங்களில் பரபரப்பாக பேசப்படுகிறது.............. இவ்வாறு திரைமறைவில் ஆயிரம் விடயங்கள் நடக்கும், எது எப்பிடியோ ரசிகர்கள் வீண்விவாதங்களை தவிர்த்து வரப்போகும் இரு படங்களையும் பார்த்து மகிழுங்கள்.....

இதற்கிடையில் பில்லா 2 இற்கு "ஏ" சான்றிதழ் வழங்கப்பட்டிருப்பது படத்திற்கு புதிய சிக்கலை கொண்டுவந்துவிட்டது... "ஏ" சான்றிதழ் வழங்கப்பட்டிருப்பதால் 30% entertainment tax அறவிடப்படும்.. அத்துடன் இது "வயது வந்தவர்களுக்கு மட்டுமான" படமாக கருதப்படும்.. குறிப்பாக 18 வயதுக்கு குறைவானவர்கள் தியேட்டர்களுக்கு அனுமதிக்கப்படமாட்டார்கள்.. ஆனாலும், எல்லா திரையரங்குகளிலும் இந்த நடைமுறையை கடைப்பைடிக்கமாட்டாங்க.. multiplex centers களில் இந்த நடைமுறை கடுமையாக பின்பற்றப்படும்.. இதனால் multiplex centers களில் கலக்சன் வெகுவாகவே பாதிக்கப்படும்..குறிப்பாக சென்னை பாக்ஸ் ஆபீசில் வீழ்ச்சியை சந்திக்கவும் வாய்ப்புண்டு.. மேலும் குடும்ப ரசிகர்கள் இந்த படத்தை பார்க்க தயங்கவும்கூடும்.... இது இந்தியா தவிர வெளிநாடுகளில் எந்தவகையிலான தாக்கத்தை ஏற்படுத்தும் என்பதை என்னால் சொல்ல முடியேல.. தெரிந்தவர்கள் பின்னூட்டலில் அதுபற்றி தெரிவிக்கவும்.. (அஜித்தின் வாலி திரைப்படத்துக்கும் ஏ சான்றிதழே வழங்கப்பட்டது).... சென்சார்க்கு போகும்போது அவர்கள் U /A சான்றிதழ் வழங்கவேணுமெனின் நிறைய சீன்களை கட் பண்ணவேணும் என்று சொல்ல அதுக்கு பில்லா தரப்பு சம்மதிக்கவில்லை.. இரு தரப்பிற்குமிடையே கடும் வாக்குவாதங்கள் நடைபெற்றதாக செய்திகள் தெரிவிக்கின்றன.. தற்போது மும்பையிலுள்ள மேல்சென்சார் பாட்டுக்கு படத்தை அனுப்பவுள்ளதாக தற்சமயம் செய்திகள் வெளிவந்துகொண்டிருக்கின்றது... இதனால் படவெளியீடு ஒருவாரத்துக்கு(ஜூன் 29) பிற்போடப்பட்டுள்ளது...  

இது தவிர பில்லா 2 பட தயாரிப்பாளர்கள், மற்றும் படக்குழுவினரின் ஆளுமையான செயற்பாடுகளையும் விமர்சகர்கள் கடுமையாக சாடுகிறார்கள், இதுவும் தாமதத்துக்கு காரணம் என்று சொல்லப்படுகிறது... எது எப்பிடியோ தற்போதுவரை கிடைத்திருக்கும் தகவல்களின் அடிப்படையில் பில்லா 2ற்கு 1200 இற்கும் மேற்பட்ட திரையரங்குகள் கிடைத்துள்ளனவாம்... குறிப்பாக பிரான்சில் எந்தவொரு தமிழ் திரைப்படத்திற்கும் இல்லாத வரவேற்பு பில்லா 2இற்கு கிடைத்திருக்கு.. மொத்தமாக அங்கு 13 திரையரங்குகளில் ரிலீஸ் ஆகின்றது.. அது மட்டுமன்றி முதல் தடவையாக பெல்ஜியத்தில் தமிழ் திரைப்படம் ஒன்று(பில்லா 2 ) ரிலீஸ் ஆகின்றது......         

தல நீ ஆடு தல.......

திராவிட தேசத்தை ஆளப்போகும் அஜித்

அஜித்தின் பில்லா 2 திரைப்படமே இன்னும் ரிலீஸ் ஆகேல, அதற்குள் இன்னமும் படப்பிடிப்பே ஆரம்பமாகாத பெயரிடப்படாத விஷ்ணுவர்த்தனின் படத்திற்கான எதிர்பார்ப்பு பலமடங்காகிவிட்டது என்றே சொல்லத்தோன்றுகின்றது. முதல் காரணம் 2007 இல் வெளிவந்த பில்லா பீவர்தான்.. அந்த படத்தில் அஜித்தை ஸ்டைலாக காட்டியதுபோல வேற எந்தவொரு நடிகர்களையும் இதுவரை பார்க்கமுடியேல, அந்தளவுக்கு அஜித்தின் ஒவ்வொரு அசைவுகளுமே ஸ்டைலிசா இருந்திச்சு.. படமும் சக்கைப்போடு போட்டது.. பாட்ஷா படம் வந்தாப்பிறகு ரஜினி-கமல் போட்டியில் ரஜினி எப்பிடி மேலே போனாரோ அதேபோல அஜித்துக்கும் பில்லா வரும்போது போட்டி நடிகர்களிலிருந்து எங்கயோ உச்சத்துக்கு போய்விட்டார்.... அஜித் என்ற அந்த மூன்றெழுத்து மந்திரத்துக்கப்பால் பெரிய எதிர்பார்ப்புக்கு காரணம் படத்தில் நடிக்கும் மற்றைய நட்சத்திரங்கள்தான்.. முதலில் தெரிவுசெய்யப்பட்டவர் ஆர்யா, இவருக்கு இறுதியாக ஹிட் குடுத்த படம் என்றால் "பாஸ் என்கிற பாஸ்கரன்" படம்தான். அதுக்கப்புறம் வெளிவந்த சிக்குபுக்கு, அவன்-இவன் இரண்டுமே பெரிதாக ஓடவில்லை. ஆர்யாவுக்கென்று தனி மவுசு இருக்கின்றதென்று சொல்லமுடியாட்டிலும். அவரது நகைச்சுவை பாங்கான நடிப்பு எல்லோரையுமே இலகுவாக கவரும். ஆனாலும் அஜித் படத்தில் வழமையான ஆர்யாவை பார்க்கமுடியாது,"பாஸ் என்கிற பாஸ்கரன்" இற்கு முந்தய ஆர்யாவைத்தான் பார்க்கப்போறோம். ஆமா அவரிற்கு வில்லன் ரோல்...................

ஆர்யாவுக்கு அடுத்ததாக இணைந்தவர்கள் நயன்தாரா, மற்றும் டப்சி ஆகியோர். அஜித் படங்களை பொறுத்தவரையில் எப்பவுமே அஜித்தை சுற்றித்தான் கதை போகும்.. ஹீரோயின்களுக்கு வேலை கொஞ்சம் குறைவுதான்.. அத்துடன் தற்போதைய நிலையில் நயன்தாரா, மற்றும் டப்சி ஆகியோர் டாப் நிலையில் இல்லாதவர்கள். இதால இந்த படத்துக்கு இவர்களால் எதிர்பார்ப்பு கூடபோவதில்லை.. கஜால் அல்லது சமந்தாவை இணைத்திருந்தால் அவர்களாலும் ஒரு எதிர்பார்ப்பு படத்திற்கு கிடைத்திருக்கும்.. அடுத்ததாய் இசையமைப்பாளர் யுவன், இது சொல்லவே தேவையில்லை 1980/90 களில் ரஜினி-இளையராஜா கூட்டணி எப்பிடி தமிழ்சினிமாவை ஆட்டிப்படைச்சுதோ அதேபோல அஜித்-யுவன் கூட்டணி இன்று அசத்திக்கொண்டிருக்கிறது.. ஏகன் தவிர இவர்கள் இருவரும் இணைந்த தீனா,பில்லா,மங்காத்தா மூன்று படங்களுமே பட்டிதொட்டியெங்கும் சக்கைப்போடு போட்டவை.. ஆதலால் யுவனின் சரவெடி இசை மிக மிக எதிர்பார்ப்பை ஏற்படுத்தும்.... அடுத்ததாய் அஜித்தால் சிபாரிசு செய்யப்பட்ட அஸ்வின், இவர் மங்காத்தாவில் அசத்தலா தனது பங்களிப்பை செலுத்தியிருந்தார்... நிச்சயம் இதிலும் தகுந்த பாத்திரம் வழங்கப்படின் சிறப்பான பங்களிப்பை குடுப்பார் என்பதில் சந்தேகமில்லை....

அடுத்ததாய் இணைந்தவர்கள் பிரித்திவிராஜ் மற்றும் அரவிந்தசாமி.... இவற்றில் பிரித்திவிராஜ்கு தமிழில் பெரிய எதிர்பார்ப்பு இல்லாவிடினும், கேரளாவில் மம்முட்டி-மோகன்லாலுக்கு அடுத்ததாய் இவருக்கு பெரிய ஒபெநிங் இருக்கின்றது என்றாலும் பிரித்திவிராஜ் இருக்கிறதால கேரளா மக்கள் முண்டியடித்து பார்ப்பார்கள், வசூல்ல அடித்து தூள் கிளப்பும் என்றெல்லாம் சொல்லமுடியாது.. காரணம் அங்குள்ள நம்பர் ஒன் சூப்பர்ஸ்டார்களான மம்முட்டி-மோகன்லால் போன்றோரே ஐந்து பத்து கோடியில் படம் எடுத்திட்டு அதை ஹிட் ஆக்க படும்பாடு!!!!.... அவர்களின் இன்றைய நிலையில் ஒரு படம் ஹிட் அடிச்சா நாலைந்து படங்கள் தொடந்து ஊத்தும்.. அந்தளவு மோசமான நிலையிலே அவர்களின் பிழைப்பும் போகுது.. குறிப்பாக தமிழ்நாடு மக்கள் போலல்லாது கேரளாவில் தியேட்டருக்கு சென்று படம் பார்க்கும் சனத்தின் எண்ணிக்கையும் பயங்கர குறைவு.. என்றாலும் தனியே அஜித்தின் படம் என்டதைவிட பிரித்திவிராஜூம் கூட நடிக்கும்பட்சத்தில் கூடுதலான வசூல் கிடைக்கக்கூடிய சந்தர்ப்பம் இருக்கத்தான் செய்யும்.. அதனால் அவரின் பிரசன்னம் படத்திற்கு ஒரு எதிர்பார்ப்பை தூண்டும் என்பதில் சந்தேகமில்லை... அடுத்ததாய் அரவிந்தசாமி... ஏனையா இந்தாளை எடுத்தாங்க? எடுத்ததை விட எடுக்காம விடுறதுதான் என்னைப்பொறுத்தவரையில் சிறந்த முடிவென தோன்றுகிறது... விஸ்ணுவுக்கு ஏன் இந்த விஷ பரீட்சையோ தெரியல............

இறுதியா இந்த லிஸ்டில் இணைந்தவர்கள்தான் மிகமிக முக்கியமானவர்கள். தெலுங்கின் முன்னணி நடிகர்களான ரவிதேஜா மற்றும் நாகார்ஜுன்.. அதற்குமுன் இந்த செய்தி எந்தளவுக்கு உண்மை என்று தெரியவில்லை.. இது மட்டும் சாத்தியமாகுமெனின் அஜித்தின் எதிர்கால நகர்வுகளுக்கு மிகமுக்கிய பங்காற்றும் என்பதை மறுக்கமுடியாது.. காரணம் தெலுங்கு மாக்கட் என்பது கன்னடம்,மலையாளம் போலல்லாது மிகப்பெரியது... ஏன் தமிழைவிடவே சற்று அதிகம் என்றும் சொல்லலாம். இன்றைக்கு ரஜினி,கமலுக்கு அப்புறம் சூர்யா,கார்த்தி ஆகியோருக்கு தெலுங்கிலும் அதிக ஒபெநிங் உண்டு.. அவர்களின் படங்கள் நன்றாக அமைந்து தமிழ் கடந்து ஓடுவது ஒருபுறம், மற்றையது தங்களது படங்களுக்கு ஆந்திரா சென்று அங்கயும் புரமோஷன் செய்து வருகின்றனர்... எந்தவொரு மொழியிலும் நடிகர் படத்தை புரமோஷன் செய்யாவிடின் படத்தை வெல்லவைப்பதென்பது கஷ்டமான விடயம்.. இதற்காகவே ஹிந்தி ஹீரோக்கள் நிறைய சாகசங்கள்,கூத்துகள் காட்டுவார்கள்... ஆனா, அஜித்தை பொறுத்தவரையில் தான் புரமோஷன் செய்வதை விரும்பாத மனிதர். ஆனால் தமிழில் அவருக்கென்று ஒரு வெறித்தனமான ரசிகர் கூட்டம் இருப்பதால் புரமோஷன் தேவைப்படுவதில்லை.. ஆனா அவரின் படங்கள் வேறு மொழியிலும் சக்கைப்போடு போடவேணும் என்றால் கட்டாயம் களத்தில இறங்கி புரமோஷன் செய்தே ஆகணும்.. அதற்கு எப்போதும் அஜித் சம்மதிக்கமாட்டார்..ஆதலால், தெலுங்கு முன்னணி நடிகர்களை படத்தினுள் உள்வாங்குவதன்மூலம் அவர்கள் மூலமாக ஒரு ஒபெநிங்கை பெற்று தனது பெயரையும் நிலைநாட்டி காலப்போக்கில் தமிழ்நாட்டைப்போல தெலுங்கையும் ஆளலாம்............

மற்றும் அஜித் விட்ட இன்னுமொரு பிழை என்னவென்றால், பில்லா(2007) படத்தை தெலுங்கி டப் பண்ணி ரிலீஸ் பண்ணாமல் தெலுங்கு நடிகர் பிரபாசுக்கு உரிமையை விற்றது... பில்லா படம் மட்டும் மங்காத்தா போல தெலுங்கிலையும் டப் பண்ணி விட்டிருந்தா நிச்சயம் தெலுங்கிலும் சக்கைப்போடு போட்டிருக்கும்.. அஜித்தின் இன்றைய நிலையும் எங்கயோ போயிருக்கும்.. இப்ப சூர்யாக்கு தெலுங்கில் எப்பிடி ஒபெநிங் இருக்குதோ அதேபோல 2007 இலே அஜித்த்துக்கு அப்பிடியொரு நிலை ஏற்பட்டிருக்கும். காலம் கடந்துதான் அஜித்துக்கு அந்த அறிவு வந்திருக்கு என்று சொல்லத்தோன்றுகிறது.... இப்பவெல்லாம் அஜித் படங்கள் நேரடியாவே தெலுங்கிலும் ரிலீஸ் ஆகிறது.. அண்மையில் மங்காத்தா செம ஹிட் ஆகிச்சு, இனி பில்லா 2 உம் டப்பாகி வெளிவரப்போகுது.. அதுக்கடுத்ததாய் விஷ்ணுவுடனான படமும் அவ்வாறு டப்பாகி ரிலீஸ் ஆகப்போகுது.. 

மொத்தத்தில் மலையாளம்,தெலுங்கு என திராவிட தேசத்தையே கலக்கப்போகும் படம் அஜித்+விஷ்ணு கூட்டணியிலான படம்... என்னதான் விஷ்ணுட படத்தில மலையாள,தெலுங்கு நட்சத்திர பட்டாளங்கள் இருந்தாலும் அதில் சூரியனா சுடர் விடப்போவது நம்ம தலைதான்....................... ரஜினி படங்களை பார்த்தால் தெரியும் ஒரு பட்டாளமே நடிக்கும்.. ஆனால் தண்ட பங்கு குறையுமே எண்டு ரஜினி அதைப்பற்றி வருத்தப்படுவதில்லை, காரணம் என்னதான் பட்டாளம் இருந்தாலும் ரஜினி என்ற ஒரு மனிதன் இல்லாவிடில் அந்த படம் படமல்ல பப்படம்தான்........ அதே நிலைக்கு தற்போது அஜித்தும் வந்துவிட்டார்............. வாழ்த்துக்கள் தல...............

பாக்ஸ் ஆபீஸ் கலாட்டா....

தமிழ் சினிமாவில் வருடாவருடம் நூற்றுக்கணக்கான படங்கள் வந்தாலும் அந்த படங்களின் நிலை என்ன? மொத்த வசூல் என்ன? படம் வெற்றியா தோல்வியா எண்டு எவராலுமே உறுதிசெய்ய முடியாத நிலை.. அதற்கு முதலாவது காரணம் தயாரிப்பாளர்கள் மற்றும் விநியோகிஸ்தர்கள்தான், இவர்களுக்கு மட்டும்தான் படத்தின் உண்மை நிலவரங்கள் தெரியும், அது மட்டுமல்ல உத்தியோகபூர்வமாக படத்தின் வசூல் கணக்கை வெளியிடவேண்டிய பொறுப்பும் இவர்களுக்கே உண்டு.. ஆனால் இவர்களில் எத்தனை பேர் வசூல் கணக்கை வெளியிடுகிறார்கள்? ஏதாவது ஓரிரு படத்திற்கே உண்மையான வசூல் நிலவரங்களை மக்கள் அறிய முடிகிறது.... இதற்கு உண்மையான காரணம் என்ன? ஏன் சம்பந்தப்பட்டவர்கள் வசூல் கணக்கை வெளியிடுவதில்லை? என்று பார்த்தால், ஒரு காரணம் அதிகமாக வசூலிச்சபடங்களின் உண்மை நிலவரங்களை வெளியிட்டா அதிகப்படியான வரி செலுத்தவேணும் என்று, ஆனால் இதற்கான தேவை மிகமிக குறைவென்றே சொல்லணும்.. ஏனென்றால் நூற்றுக்கணக்கான படங்கள் வருடாவருடம் வெளிவரும்போது அதில் தேறுபவை கிட்டத்தட்ட பத்து பதினைந்து படங்களே! அதிலும் மூக்கில விரலை வைக்கிறளவுக்கு வெற்றிப்படங்கள் என்றா நான்கு அல்லது ஐந்து படங்கள்தான்.. கடந்த ஆண்டை எடுத்து பார்த்தாலே புரியும் blockbuster ரக படங்கள் என்றால் மங்காத்தா,கோ,காஞ்சனா மட்டுமே... 

சரி, உண்மையான வசூல் கணக்கை வெளியிடாமைக்கான மற்ற காரணம் என்னவெண்டு பார்த்தால், "ஹீரோக்கள்ட கௌரவ பிரச்சனைதான்" உச்சத்தில் இருக்கும் ஹீரோக்கள்ட படங்கள் பிளாப்பாகி தியேட்டர் அதிபர்களுக்கு நஷ்டம் வரும்போது உண்மையான வசூல் கணக்கை சொன்னால் அவர்களின் இமேஜ் பாதிக்கப்பட்டிடும் என்றதுக்காக உண்மையான வசூலை சொல்வதில்லை. அதில் கொடுமை என்னவென்றால் ஓடாத மொக்கை படங்களுக்கும் "விண்ணைத்தாண்டும் விஸ்வரூப வெற்றி" என்று பில்டப் விடுவதுதான்.. சில நடிகர்கள் தங்களின் படங்கள் வெளிவந்து ரெண்டாம், மூன்றாம் நாளிலே மீடியாக்களுக்கு போய் "சக்சஸ் மீட்டிங்" என்று வைத்திடுவாங்க, அதில தங்களின் படங்களின் கலக்சன் எந்திரனை உடைச்சிட்டு, சிவாஜியை தாண்டிட்டு என்று கொஞ்சம்கூட வாய்கூசாமல் சொல்வார்கள். இதில பாவப்பட்ட ஜென்மங்கள் என்றால் தயாரிப்பாளர்கள்/ விநியோகிஸ்தர்கள்/ தியேட்டர் ஓனர்கள்தான்.. என்ன செய்ய உண்மை நிலவரங்களை சொன்னால் பிழைப்பு நாறிடும், அதால அமைதி காத்துக்கொண்டிருக்கவேண்டியதுதான்.. சிலவேளைகளில் தொடந்து ஒரு நடிகரின் படங்கள் நஷ்டத்தை ஏற்படுத்தின் ஒன்றுமே செய்யமுடியாத நிலையில் பப்ளிக்காயே குரல்கொடுப்பார்கள்..அப்போதுதான் சிலசில உண்மைகள் வெளிவரும். 

இதுக்கு நல்ல உதாரணம் என்றால் விஜயின் தொடர்ச்சியான ஐந்து படங்கள் தோற்கும்போது முதல் நான்கு படங்கள்வரை எந்த தியேட்டர் அதிபர்களும் பிரச்சனை எடுக்கவில்லை. அதை சாட்டாக வைத்து வேட்டைக்காரன் போன்ற படங்களுக்கு "சக்சஸ் மீட்டிங்" வேற வைச்சாங்கள்.. அந்த சமயம் நிறைய விஜய் ரசிகர்கள் வேட்டைக்காரன் எல்லாம் வெற்றி என்று நம்பிட்டு இருந்தார்கள், ஆனா சுறா என்ற படம் வந்து படுஊத்தல் ஊத்தவே இனியும் அமைதியா இருந்து பிரயோசனம் இல்லை என்று தியேட்டர் அதிபர்கள் விஜய்க்கெதிராக குரல் கொடுக்க தொடங்கினார்கள்..அதுபோலவே அண்மையிலும் தனுசின் படங்களின் தொடர்ச்சியான தோல்விகளும், அதிகரிக்கும் அவரின் சம்பளத்துக்கும் எதிராக குரல் எழுப்பப்பட்டது.. இவ்வளவு பிரச்சனைகளுக்கும் காரணமே விநியோகிஸ்தர்கள்தான்.. படங்கள் தோல்வியுறும் சமயத்தில் உண்மையான வசூல் நிலவரங்களை அறிவித்து ஹீரோக்கள்ட முகத்திரையை கிழித்தால் அவர்கள் தமது சம்பளத்தையும் குறைப்பார்கள், அடுத்த படத்தை வெல்ல வைக்கணும் என்ற முனைப்போடு செயல்படுவார்கள்.. அல்லாவிடில் சம்பளத்தையும் அதிகரித்து ஹீரோக்கள் நல்லா பிழைப்பார்கள், தயாரிப்பாளர்/விநியோகிஸ்தர் பாடுதான் திண்டாட்டமா போகும்.. 

அதைவிட இன்னுமொரு பிரச்சனை என்னவென்றால் பாக்ஸ் ஆபீஸ் தொடர்பாக ஊடகங்களின் செய்திகள்... இதை முழுமையாக ஆராயப்போனால் பத்து பதிவுகளே தாண்டிடும். வெறும் இரண்டாயிரம் ரூபா இருந்தாலே போதும் நாமும் ஒரு வெப்சைட்டை தொடக்கி மனம்போல செய்திகளைபோட.. அண்மையில் நண்பன் வெளிவரும்போது superwoods.com இல் வரும் பாக்ஸ் ஆபீஸ் ரிப்போட்டை பார்த்திருந்தால் தெரிந்திருக்கும், ஒவ்வொரு நாளும் உலகம்பூராக எவ்வளவு வசூல் எண்டு கணித்து போடுவாங்கள்... எப்பிடியையா சாத்தியம்? ஒரு இரவுக்குள்ள உலகம் முழுவதும் ரிலீசான படத்திண்ட கலக்சனை எண்ணி அனுப்புவாங்களோ! ஆங்கில படங்களுக்கு வேணும்னா சாத்தியப்படலாம். ஆனா இந்திய திரைப்படங்களுக்கு அறவே சாத்தியமில்லை............

எல்லாத்தையும்விட மிகப்பெரிய முறைகேடு என்னவென்றால் அண்மையில் வெளிவந்த ஓகேஓகே படத்தின் சென்னை பாக்ஸ் ஆபீஸ் ரிப்போட்தான். 2007 காலப்பகுதியிலிருந்து இன்றுவரை வார இறுதியில் behindwoods.com இல் வெளிவரும் சென்னை பாக்ஸ் ஆபீஸ் நிலவரங்கள் மக்கள் மத்தியில் ஓரளவு நம்பகத்தன்மையை ஏற்படுத்திக்கொண்டிருந்தது. ஆனால், இனிவரும் காலப்பகுதியில் அந்த நம்பிக்கை அறவே இல்லாமல் போகும் என்றுதான் சொல்ல தோணுகிறது, ஆமா மூன்றாம் வார முடிவில் 7.85cr என்று போட்டிருந்தார்கள், அதன் பிறகு என்ன மாயம் நடந்திச்சோ தெரியல நான்காம் வாரம் முடியேக்க 15cr என்று போட்டிருந்தார்கள்.. சரி, மறுபடியும் பழைய நிலவரங்களை பார்ப்பம் என்றால், முந்தய வார வசூல் எல்லாவற்றையுமே மாற்றி கூட்டிவிட்டார்கள்.... என்னய்யா பித்தலாட்டம்? official site என்று behindwoods ஐ நம்பி பார்த்தால் எங்கட காதிலையே பூ வைப்பார்கள்போலும்.... அது மட்டுமல்ல வல்லவன் படம் பிளாப் என்று முன்னர் behindwoods ல போட்டிருந்தார்கள்.. பிறகு சிம்பு எல்லா மேடைகளிலும் வல்லவன் வெற்றி வெற்றி என்று பில்டப் விட இவங்களும் ஹிட் என்றே அறிவித்துவிட்டார்கள். அதேபோல அண்மையில் வெளிவந்த நண்பனுக்கு மூன்று/நான்கு வாரம் கழிந்தபின் ஹிட் என்று அறிவித்தாங்க, பின்னர் சில நாள் கழித்து நண்பன் எந்திரனுக்கு அடுத்தபடியாக அதிக கலக்சனை அள்ளிட்டு என்று ஒரு செய்தியை போட்டு நண்பனை "சூப்பர் ஹிட்" ஆக அறிவித்தார்கள்.. 150cr வரை வசூலித்த சிவாஜியை நண்பன் பிரேக் பண்ணிட்டு என்றால் ஏனையா சூப்பர் ஹிட் குடுக்கிறீங்க? பேசாம பிளக்பாஸ்டர் குடுக்கவேண்டியதுதானே!!!..... ஒன்று மட்டும் சொல்லமுடிகிறது behindwoods ஆனது சிலரின் கைப்பிள்ளையாக செயற்படத்தொடங்கிவிட்டது.. சாதாரண மயிர்புடுங்கி இணையத்தளங்கள் ஒரு பக்க சார்பாக செய்திகள் போடுவது வேற விடயம், ஆனால் எல்லோராலும் நம்பப்படும் ஒரு இணையத்தளம் இவ்வாறு பக்கசார்பாக நடப்பது வேதனைக்குரிய விடயம்தான்........................................ இனி எந்த படத்தினதும்ம் உண்மையான வசூல் நிலவரங்களை அறிந்துகொள்வதென்பது சாத்தியமற்ற ஒன்றாகிவிட்டது.. காரணம் நடுநிலையான ஊடகங்கள் என்று எவையுமே இல்லை.................... 

- வருகை தந்தமைக்கு நன்றி- 

மங்காத்தாவும் நொந்துபோன உதயநிதியும்....

காலை நித்திரையால எழும்பி வெப்சைட்டுக்களில் என்ன செய்திகள் வந்திருக்குதெண்டு சும்மா தட்டி பார்த்தா செம அதிர்ச்சி, அது வேற ஒண்டுமில்லை "ஒருகல் ஒருகண்ணாடி" பற்றி உதயநிதி தெரிவித்த ஒரு கருத்துத்தான்... "ஒரு கல் ஒரு கண்ணாடி படத்தினை தமிழ்நாட்டில் தியேட்டர்களுக்கு வந்து பார்த்தவர்கள் எண்ணிக்கை 'மங்காத்தா' படத்தினை தாண்டி, 'ஏழாம் அறிவு' படத்தினை நெருங்கி கொண்டிருக்கிறது.".. இதுதான் அவர் கூறின கருத்து.... அவற்றை கருத்திண்ட ஆழம் இதுதான்.. தமிழ்நாடு அண்மைய வசூல் ஒப்பீட்டு நிலவரப்படி முதலாவது ஏழாம் அறிவு அடுத்தது ஓகேஓகே அடுத்தது மங்காத்தா எண்டு...... இதை நினைத்து சிரிக்கிறதா இல்லை அழுகிறதா எண்டு கொஞ்சநேரம் ஒரே குழப்பமா இருந்திச்சு.......... சரி, அதுக்குமுதல் தயாரிப்பாளராக உதயநிதியை பற்றி கொஞ்சம் பார்ப்பம்......

 ஒருகல் ஒருகண்ணாடியானது உதயநிதியின் தயாரிப்பில் வெளிவந்த ஐந்தாவது திரைப்படமாகும், ஓகேஓகே ஐ தவிர இவர் தயாரித்த மிகுதி நான்கு படங்களுமே வெற்றிப்படங்கள் அல்ல, அதில் குருவி,மன்மதன் அம்பு ஆகிய ரெண்டு படங்களும் படுதோல்விப்படங்கள், கடுமையாக விமர்சிக்கப்பட்ட படமும்கூட.. மற்றைய ரெண்டு படங்களான ஆதவன்,ஏழாம் அறிவு ஆகிய படங்களின் வசூல் நிலவரங்கள் மிக்ஸ் ரிப்போட்தான், கிளீன் ஹிட் என்றில்லை... இரண்டுமே அவேரேஜ் படம்தான். அப்பிடி என்றால் வெற்றியா தோல்வியா என்று பார்த்தால் தோல்வியென்றுதான் சொல்லணும்.. இதேபோலத்தான் அஜித்தின் திருப்பதி,பரமசிவன் படங்கள், மற்றும் விஜயின் ஒருசில தோல்விப்படங்களுக்கும் இதே கதிதான்... அவேராஜ்ஜா ஓடின படமென்றாலும் வெற்றியா/தோல்வியா என்றுதான் இறுதியில் பார்ப்பார்கள்.. அப்போது அவை தோல்வியாகவே கணிக்கப்படும்.. என்னதான் ஒவ்வொரு படத்திலயும் அடிவாங்கினாலும் விடுற பில்டப்புக்கு அளவே இல்லை.. குருவி படத்துக்கு 150வது நாள் வெற்றிவிழாவை பிரமாண்டமாய் செய்து, படங்களின் ஓடிய நாட்களை வைத்து வெற்றியை அறிவிக்கும் மரபையே கேவலப்டுத்தினார்கள். அதற்கப்புறம் ஆதவன் வெளிவந்தசமயம் வசூல் நிலவரங்களை "சிவாஜிக்கு அடுத்ததாய்" என்ற ஒரு சொல்லை பயன்படுத்தியே பில்டப் விட்டார்கள்.. அடுத்ததாய் மன்மதன் அம்பு படத்திற்கு வசூல் ரீதியில் பில்டப் விட்டதா தெரியவில்லை.. அதற்கப்புறம் கடைசியா வந்த ஏழாம் அறிவிற்கு விட்ட பில்டப்பை ஊரே அறியும்...... 100 கோடியே தாண்டாத படத்தை எந்திரன், சிவாஜிக்கு அடுத்ததாய் மிகப்பெரிய வசூலிச்ச படமாய் விளம்பரப்படுத்தினார்கள்.. இவ்வாறு உதயநிதி விடும் பில்டப்புக்கு அளவே இல்லை எண்டு சொல்லலாம்..... இவற்றை தயாரிப்பில அல்லது வெளியீட்டில் ஏதாவது படங்கள் ரிலீசானா டுவீட்டர் பக்கம் தலைகாட்டவே முடியாது... அந்தளவுக்கு ஒவ்வொரு தியேட்டரிலும் ஒவ்வொருநாளும் எல்லா சோவும் ஓடி முடிஞ்சாப்பிறகு வந்த கலக்சனை எல்லாம் கூட்டி பார்த்தாள்போல வசூல் கணக்குகளை வெளியிட்டுக்கொண்டிருப்பார்... பாவம் உதயநிதி.. ஊருக்கே தெரிஞ்சிட்டு இவற்றை பித்தலாட்டம்.. ஆனா, இன்னமும் இவர் தான் சொல்லுறதை எல்லாம் நம்பிட்டு இருக்காங்க எண்டு நம்பிட்டிருக்கார்...

சரி, நாம விடயத்துக்கு வருவோம்.....

எந்திரன் வெளிவந்து அடுத்த இரண்டாண்டுகளில் வெளிவந்த படங்களில் எந்தவொரு மிக்ஸ் ரிப்போட்டும் இல்லாமல், வெளியான அனைத்து இடங்களிலுமே சக்கைப்போடு போட்ட திரைப்படம் என்றால் மங்காத்தாதான்... மொத்த வசூலிலும் ரஜினி,கமல் படங்களுக்கு அடுத்தபடியாய் இன்றுவரை அதிக வசூலிச்ச படம் என்றாலும் மங்காத்தாதான்.... நினைத்துக்கூட பார்க்கமுடியாதளவிலான வெற்றி அது, வெறும் நாற்பது கோடிகளில் தயாரிச்ச படம் மொத்தமாக 130 கோடிகள் வசூல் செய்தது.. அதற்கடுத்ததாய் மொத்தவசூல் அதிகம் என்றால் ஏழாம் அறிவை குறிப்பிடலாம்(net profit அல்ல).. ஆனால் உதயநிதியின் கருத்தை ரெண்டுவிதமாய் பார்த்தால், ஒன்று மங்காத்தாவை விட ஏழாம் அறிவின் தமிழ்நாட்டு வசூல் கூட என்பது.. மற்றது ஓகேஓகே ட தமிழ்நாடு வசூல் மங்காத்தாவை விட அதிகம் என்பது...

இதற்கு நான் சொல்லும் பதில் இதுதான்.....ஏழாம் அறிவுட பட்ஜெட் கிட்டத்தட்ட எண்பது கோடி என்று சொன்னார்கள், அதே சந்தேகப்படவேண்டிய ஒரு விடயம்தான்...அந்தப்படத்தை பார்த்தா தெரியும் எண்பது கோடி செலவழிக்கிற அளவுக்குக்கு பிரமாண்டம் எண்டு எதுவுமில்லை..குறிப்பாக முதல் பதினைந்து நிமிடங்களுக்கு ஒவ்வொரு நிமிட சீனுக்கும் ஒவ்வொரு கோடி செலவளித்தோம் என்று சொன்னாங்களே!! சப்பா தாங்கமுடியேலப்பா! சரி அதைவிடுவம், எண்பது கோடி எண்டே எடுத்தாலும்,எண்பது கோடி பட்ஜெட்டில் உருவான ஏழாம் அறிவு படத்துக்கு விநியோகிஸ்தரும் உதயநிதிதான்.. ஆதலால் உதயிடமிருந்து நேரடியாக தியேட்டருக்கே சென்றிருக்கும். எப்பிடியும் 90 கோடியளவில் வியாபாரம் நடந்தாலும் மங்காத்தாட வசூலை முறியடித்தது என்றால் 130 கோடிகள் தாண்டியிருக்கணும், கிட்டத்தட்ட நாற்பது கோடி ரூபா நிகரலாபம்.... எண்பது கோடி பட்ஜெட்டில் உருவான ஏழாம் அறிவுக்கு நாற்பது கோடி நிகர லாபம் என்றால் ஏழாம் அறிவு சூப்பர்ஹிட் அல்லது பிளக்பஸ்டர் என்றல்லவா அறிவிக்கப்பட்டிருக்கணும்? ஏன் எல்லா வெப்சைட்டும் அவேரேஜ் எண்டு குடுத்திருக்காங்க?? என்ன சிரிப்பென்றால் ஹிட் என்றுகூட வெப்சைட்டுகள் அறிவிக்கவில்லை.. பட்ஜெட்டுக்கேற்ப நிகரலாபத்தை அடிப்படையா வைச்சு வருடமுடிவில் வெளியான அறிக்கையில் வேலாயுதத்துக்கு பிறகே ஏழாம் அறிவு இடம்பிடித்தது...... அவரேஜ் ரக படம் என்றதால் மட்டுமட்டாக 100 கோடிகளை எடுத்திருக்கவே சந்தர்ப்பம் அதிகம். பொதுவாக மொத்த வசூலில் 70% ஆனவை தமிழ்நாட்டிலே வசூல் ஆகும்.. அதற்கடுத்ததாய் rest of tamilnadu, malaysiya, uk, us and canada இல் முறையே அதிக கலக்சனை வசூலிக்க சந்தர்ப்பம் இருக்கின்றது.. இதில் தெலுங்கு, யூகே போன்றவற்றில் ஏழாம் அறிவு மங்காத்தாவை விட சற்று அதிகமாய் அதிகம் வசூலிச்சது, மற்றைய தமிழ் நாடு தவிர்ந்த இடங்களிலும் மங்காத்தாவிற்கு சற்று அதிகமான வசூல்..... அப்பிடி இருக்கும்போது தமிழ்நாட்டில் எப்பிடி மங்காத்தாவை விட ஏழாம் அறிவு கூட வசூலிச்சிருக்கும்?... சந்தர்ப்பமே இல்ல........

அடுத்த விடயம் ஓகேஓகே.........மூன்றாம் வார முடிவில் behindwoods இன் தரவுப்படி சென்னை வசூல் மங்காத்தாவை விட அதிகம்தான். ஆனால், ஒட்டுமொத்த தமிழ்நாடு வசூலும் மங்காத்தாவிட அதிகம் என்பது சின்னப்பிள்ளைத்தனமா இல்ல? 70% ஆன கலக்சன் தமிழ்நாட்டில இருந்து வரேக்க, உதயநிதியின் கருத்துப்படி மொத்த வசூலை மதிப்பிட்டால் கிட்டத்தட்ட 90 கோடிகளை தாண்டியல்லவா இருக்கணும்???............. அப்பிடியாயின் ஏன் behindwoods verdict- superhit என்று குடுத்திருக்காங்க? Blockbuster குடுத்திருக்கலமே!................. அண்ணை உதயநிதி! உங்கட பிராட்டு வேலையெல்லாம் ஊருக்கு தெரிஞ்சுபோச்சு.... இனியாவது ரூட்டை மாத்துங்க...............................

(behindwoods இணையத்தளம் ஒருபோதுமே அஜித்துக்கு ஆதரவா இருந்ததில்ல, எப்பவுமே அஜித்தை நான்காம்,ஐந்தாம் இட நடிகராகவே தரப்படுத்துவார்கள்.. அதனால்தான் எதிரிரியின் தகவல்களை source ஆக எடுத்துள்ளேன்......)

                                            வருகைக்கு நன்றி..