6 மொழிகளில் அசத்தும் ரோபோ

ஒன்றல்ல, இரண்டல்ல… 6 மொழிகளில் பேசுகிறது இந்த ரோபோ. பல்வேறு பணிகளில் ரோபோக்கள் ஈடுபடுத்தப்படுகிறது. அந்த வகையில் வரவேற்பாளராக வேலை செய்வதற்கேற்ப இந்த பன்மொழி பேசும் ரோபோ தயாரிக்கப்பட்டுள்ளது.>

சீனாவின் ஷாங்காயில் `இன்பினிட்டி பிளாசா’ அரங்கில் 2010-ம் ஆண்டுக்கான 50 நாள் கண்காட்சி நடைபெறுகிறது. இதைப் பார்வையிட பல்வேறு நாடுகளில் இருந்து பார்வையாளர்கள் வருவார்கள். பார்வையாளர்களை வரவேற்பதற்கும், அவர்களின் சந்தேகத்தை தீர்த்து வைப்பதற்கும்தான் விசேஷ அம்சங்களுடன் இந்த ரோபோ உருவாக்கப்பட்டுள்ளது.

இதன் பெயர் `ஹாய்போ ரோபோ’. இது 155 சென்டி மீட்டர் உயரம் உடையது. மொத்தம் 37 ரோபோக்கள் கண்காட்சிப் பணிக்காக தயாரிக்கப்பட்டிருந்தன. ரோபோக்களின் மார்பில் ஒரு திரை உள்ளது. அதில் கண்காட்சி விவரங்களை தொடுதிரை முலம் தெரிந்து கொள்ளலாம்.

ஷாங்காய் விமான நிலையத்திற்கும், கண்காட்சி வளாகத்திற்கும் இடையில் நின்றபடி 6 மொழிகளில் கண்காட்சி விவரங்களைக் கூறி பார்வையாளர்களை வரவேற்று கவர்ந்திழுத்தது இந்த ரோபோ. பார்வையாளர்கள் விரும்பினால் அவர்களை படம்பிடித்து கொடுக்கவும் செய்தது. பார்வையாளர்களை கண்காணிக்கும் வேலையையும், கனிவாக உபசரிக்கும் வேலையையும் கச்சிதமாக செய்த இந்த ரோபோக்கள் அனைவரையும் மிகவும் கவர்ந்தது.

சூதாட்டத்தில் சிக்கிய பாக்.-கிரிக்கெட் ஆட தென் ஆப்பிரிக்க வீரர்கள் தயக்கம்

லண்டன்: மேட்ச் பிக்ஸிங், ஸ்பாட் பிக்ஸிங் என தொடர்ந்து சர்ச்சையில் சிக்கி வரும் பாகிஸ்தானுடன் கிரிக்கெட் ஆட தென் ஆப்பிரிக்க வீரர்கள் தயங்குவதாக செய்திகள் கூறுகின்றன. ஆனால் இதை தென் ஆப்பிரிக்க கிரிக்கெட் வாரியம் மறுத்துள்ளது.

அடுத்த மாதம் அபுதாபி மற்றும் துபாயில் தென் ஆப்பிரிக்கா,பாகிஸ்தான  இடையிலான கிரிக்கெட் தொடர்நடைபெறவுள்ளது. 5 ஒரு நாள் போட்டிகளிலும், 3 டெஸ்ட் போட்டிகளிலும், 2 டுவென்டி 20 ஆட்டங்களிலும் விளையாடவிருக்கின்றனர். 

ஆனால், தொடர்ந்து சர்ச்சையில் சிக்கி வரும் பாகிஸ்தானுடன் கிரிக்கெட் ஆட மூத்த வீரர்கள் பலரும் விரும்பவில்லையாம். 

இதுகுறித்து ஒரு வீரர் கூறுகையில், பாகிஸ்தான் கிரிக்கெட்டில் என்ன நடக்கிறது என்றே தெரியவில்லை. இப்படிப்பட்ட நிலையில், அவர்களுடன் விளையாடுவது பிரச்சனையை விலை கொடுத்து வாங்குவது போன்றாகும் என்றார்.

கிரிக்கெட் வாரியம் மறுப்பு:

ஆனால் பாகிஸ்தானுடன் ஆட வீரர்கள் மறுப்பதாக வெளியான செய்தியை தென் ஆப்பிரிக்க கிரிக்கெட் வாரியம் மறுத்துள்ளது.

இதுகுறித்து கிரிக்கெட் தென் ஆப்பிரிக்கா தலைமை செயலதிகாரி ஜெரால்ட் மஜோலா கூறுகையில், எந்த வீரரும் பாகிஸ்தானுடன் ஆடுவது குறித்து அதிருப்தி தெரிவிக்கவில்லை. பாகிஸ்தானுடான தொடரை ரத்து  செய்யும் திட்டமும் எங்களிடம் இல்லை.

இந்தத் தொடர் ஐசிசியால் அங்கீகரிக்கப்பட்ட தொடர். எனவே இது குறித்து யாரும் கவலைப்படத் தேவையில்லை என்றார்.